ИДЕНТИТЕТОТ И ЈАЗИКОТ НЕ СЕ ВО ПРЕГОВАРАЧКАТА РАМКА Рокас уверува дека тие најдобро се бранат со членство во ЕУ
Извештајот на Европскиот Парламент дава силна поддршка на интегративните процеси на државата и ги поддржува реформските процеси, особено реформите во правосудството, борбата против корупцијата и останатите предизвици со кои се соочува државата, рече евроамбасадотор Михалис Рокас.
Евроамбасадорот во земјава Михалис Рокас денеска од Охрид позитивно го оцени Извештајот на Европскиот Парламент, истакнувајќи дека тој дава силна поддршка на интегративните процеси на државата и ги поддржува реформските процеси, особено реформите во правосудството, борбата против корупцијата и останатите предизвици со кои се соочува државата.
Можеби ќе ве интересира
Во врска со спорните одредби во Извештајот во врска со идентитетот и јазикот, тој рече дека Европарламентот е независна институција, која носи политички одлуки согласно свои внатрешни процедури.
– Најважно е да се истакне дека идентитетот и јазикот не се дел од преговарачките рамки. Идентитетот и јазикот најдобро се бранат со полноправно членство во ЕУ – рече Рокас.