НОВИ ДЕТАЛИ ЗА ХРВАТОТ ШТО НАПАДНА УЧЕНИЧКИ ВО БАВАРИЈА Пиштолот не му испукал, па извадил нож
Поранешен ученик влегол во училишен двор во Баварија со пиштол и со нож, тешко повредил две 13-годишни девојчиња и бил уапсен по нападот. Германските медиуми јавија дека се работи за малолтеник со хрватско потекло.
Гимназијата „Вефлен“ во баварскиот град Шонгау беше сцена на крвав напад, откако 16-годишен Хрват тешко повредил две 13-годишни девојчиња.
Според германските медиуми, напаѓачот, поранешен ученик во училиштето, прво се обидел да употреби пиштол. Кога оружјето не испукало, извадил нож и ги нападнал девојчињата во училишниот двор, пишува Дојче Веле.
Едната ученичка поради сериозноста на повредите била префрлена во болница со хеликоптер, но според властите, двете се надвор од животна опасност.
Баварскиот министер за внатрешни работи Јоаким Херман изјави дека засега нема индиции оти во нападот учествувало уште едно лице.
– Претпоставуваме дека имало еден напаѓач кој имал нож и огнено оружје – изјави Херман.
Според неговите информации, осомничениот претходно бил на психијатриски третман, а истрагата треба да утврди дали постоела каква било врска меѓу него и повредените девојчиња.
Баварскиот премиер Маркус Зедер изрази сочувство и поддршка за учениците, наставниците и семејствата погодени од нападот.
– Во овие тешки времиња, сите сме заедно – порача Зедер.
Multiple injuries as pupils attacked at a school in the Bavarian town of Schongau.
Authorities had earlier said several people were injured at the Welfen-Gymnasium in what appeared to be a rampage attack.
At least 2 girls said to be fighting for their lives. pic.twitter.com/PsrP3VT1Wl
— Tommy Robinson 🇬🇧 (@TRobinsonNewEra) July 8, 2026