ХОНДА СЕ ПРЕВРТЕ НА АВТОПАТОТ ГОЦЕ ДЕЛЧЕВ Повредени четири лица меѓу кои и малолетници
Семејство од Скопје со „Хонда“ излетало и се превртело кај клучката Коњари, малолетничка со тешки повреди итно пренесена на Клиника.
Тешка сообраќајна несреќа се случи вчера на автопатот Гоце Делчев, на потегот од Свети Николе кон Скопје, во близина на клучката Коњари.
Според информациите од МВР, патничко возило марка „Хонда“ со скопски регистарски ознаки, управувано од З.Н. (36) од Скопје, излетало од патот и се превртело.
Можеби ќе ве интересира
Во несреќата со тешки телесни повреди се здобила малолетна сопатничка, која итно била префрлена во Комплексот клиники „Мајка Тереза“. Со полесни повреди се извлекле возачот З.Н., сопатничката С.Н. (36) и уште еден малолетен сопатник.
На местото на несреќата излегла увидна екипа од СВР Скопје, која извршила целосен увид за причините поради кои дошло до превртувањето.