ХЕЛСИНШКИОТ КОМИТЕТ УТРЕ ЌЕ ГИ СЛЕДИ ИЗБОРИТЕ Еве на кои броеви можете да пријавите нерегуларности

Хелсиншкиот комитет за човекови права утре ќе работи цел ден, будно следејќи ги изборите и ќе ги отвори своите врати за поплаките на граѓаните. Секоја изборна нерегуларност или повреда на избирачкото право граѓаните ќе можат да ја пријават на 02 3119 073 и 072 278 436, на мејлот [email protected] или со свое лично присуство во објектот на ул. „Наум Наумовски Борче“ бр. 83 во Скопје кој ќе работи целиот изборен ден.

Го пренесуваме нивното соопштение во целост:

„Почитувани,

Хелсиншкиот комитет за човекови права ги известува граѓаните дека во недела, 31 октомври 2021 година, канцеларијата на Комитетот ќе биде отворена во текот на целиот ден, со цел да им овозможи на граѓаните да пријават повреда на избирачкото право за време на вториот круг од локалните избори.

Комитетот ги охрабрува сите граѓани кои сметаат дека нивното избирачко право е повредено да го пријават случајот во канцеларијата на Комитетот, која се наоѓа на ул. „Наум Наумовски Борче“ бр. 83 во Скопје и преку телефонските броеви 02 3119 073 и 072 278 436. Покрај личното и телефонското пријавување, овозможена е и пријава преку е-пошта на [email protected].

Пријавите преку е-пошта треба да содржат кратко образложение за настанатата повреда, локација (изборна единица и број на гласачко место) и време на настанување на повредата на избирачкото право.

Граѓаните можат да ги поднесат пријавите наведувајќи ги своите лични податоци или анонимно.

Сите пријави до Комитетот ќе бидат дополнително истражени со цел да се верификува нивната веродостојност. Тајноста и неповредливоста на личните податоци се загарантирани од страна на Хелсиншкиот комитет и тие нема да бидат објавени без претходна дозвола од страна на граѓаните што ја пријавиле повредата.

Со почит,

Хелсиншки комитет за човекови права“