ХАРИ И МЕГАН НЕМА ДА БИДАТ НА НАСТАНОТ ПОСВЕТЕН НА ДИЈАНА Портпаролот демантира дека присуството на војводата и војвотката било најавено за вечерата на 18.септември
По пишувањата дека принцот Хари и Меган Маркл ќе присуствуваат на гала-вечера во чест на принцезата Дијана во Лондон на 18 септември, нивниот портпарол демантираше дека воопшто биле планирани за тој настан.
Принцот Хари и Меган Маркл нема да присуств.уваат на гала-вечерата на „Diana Award“ во Лондон на 18 септември, а нивниот портпарол категорично демантира дека воопшто биле планирани за присуство.
Информацијата доаѓа само неколку дена откако британските медиуми објавија дека Хари се очекува да присуствува на свечена вечера во чест на неговата мајка, принцезата Дијана, а дека Меган би можела да му се придружи.
Сепак, портпарол на војводата и војвотката од Сасекс за „Daily Express“ изјавил дека тврдењата не се точни.
– И покрај известувањата на Daily Mail, војводата и војвотката од Сасекс не се закажани за присуство на настанот на Diana Award во хотелот Raffles, OWO London, на 18 септември – навел портпаролот.
Со ова е ставена под знак прашалник и информацијата дека Хари и Меган биле на листата гости, како што претходно се пишуваше. Дополнително, портпарол на самата организација „Diana Award“ претходно изјавил дека сè уште нема донесено конечна одлука за тоа како ќе се одбележи 30-годишнината од смртта на принцезата Дијана следната година и дека нема потврден настан ниту договорено учество.
Според претходните пишувања, се шпекулираше дека гала-вечерата би се одржала во Raffles London at The OWO, хотел сместен во историската зграда на Old War Office во Вајтхол. Британскиот „Daily Mail“ тврдеше дека Хари се очекува да присуствува, додека Меган наводно размислувала дали да му се придружи.
Интересот за можниот настап на Хари бил особено голем поради фактот што „Diana Award“ е една од ретките организации со кои тој и неговиот брат, принцот Вилијам, и понатаму имаат поврзаност. Организацијата е основана во чест на нивната мајка и работи со млади луѓе кои придонесуваат за позитивни промени во своите заедници.
Наградата „Diana Award“ е основана во 1999 година во спомен на принцезата Дијана, а нејзини покровители и поддржувачи се нејзините синови, принцовите Вилијам и Хари. Иако двајцата во изминатите години продолжија да ја поддржуваат организацијата, нивните заеднички јавни појавувања се ретки. Последен пат заедно учествуваа во март 2024 година, кога во Лондон им ги врачија престижните Legacy Awards на 20 млади луѓе од целиот свет. Хари потоа продолжи одделно да соработува со организацијата – во мај 2025 година учествуваше на лансирањето на иницијативата „Pledge to Invest“, а во септември 2025 година се приклучи на младинска дискусија во Лондон.