Хаос во живо: Куче ѝ го украде микрофонот на новинарката и побегна ВИДЕО
Прогнозата за времето во живо во Москва стана вирална откако куче влета во кадарот и го украде микрофонот на новинарот, пренесоа руските медиуми.
Преносот во живо на руската новинарка на „Мир ТВ“, Надежда Сережкина, беше прекинат од разигран златен ретривер кој скокнал врз неа, и го фатил микрофонот од раката и избегал.
Сержокина му довикнала на кучето да „застане“ и „дојди овде“ додека се обидувала неуспешно да го фати на мостот од кој известувала, објави снимателот Димитри Лотовски на Твитер.
И додека снимателот ја снимал како го брка кучето, на следниот кадар се гледа збунетата водителка во студиото.
– Изгледа дека изгубивме контакт со нашиот новинар. Ќе се обидеме повторно да стапиме во контакт со неа – рекла водителката.
Се испоставило дека светлиот микрофон го привлекол вниманието на кучето. За среќа, никој не бил повреден.
A dog in Russia grabbed the reporter’s microphone and ran away during a live broadcast pic.twitter.com/R1T8VZ5Kpt
— Ali Özkök (@Ozkok_A) April 2, 2021