📽️ ХАОС ВО ЛОНДОН ПО ПОРАЗОТ НА МАРОКО Огномети, шишиња и апсења по четвртфиналето, има повредени
По елиминацијата на Мароко од Светското првенство, избувнаа инциденти во Лондон, Амстердам, Брисел и во Хаг, додека во Париз беше мирно и во славеничка атмосфера.
Еден полицаец е повреден, а четири лица се уапсени по судирите што избија во центарот на Лондон по победата на Франција над Мароко со 2-0 во четвртфиналето на Светското првенство.
Police officers got chased by Moroccans fans Morocco after losing to France in round of 8 riot in London Edgware Road one police officer down got rushed to hospital I hope he survived pic.twitter.com/TjlrB1KMHH
— Zonjy (@zonjy_) July 10, 2026
Според соопштението на лондонската Метрополитен полиција, по завршувањето на натпреварот голем број навивачи се собрале на улицата Еџвер Роуд, каде што го блокирале сообраќајот, активирале огномети и фрлале шишиња и други предмети кон полициските службеници.
Во текот на интервенцијата, еден полицаец бил погоден во главата со стаклено шише и бил пренесен во болница. Други повредени не се пријавени.
Полицијата соопшти дека на местото биле испратени дополнителни сили, по што биле приведени четири лица осомничени за учество во насилни нереди. Сообраќајот бил нормализиран околу 1 часот по полноќ.
🇬🇧 This is London after last night’s World Cup match
You may be confused, thinking that England play tomorrow, but these are Morocco fans
At this point, Brits would be forgiven for checking which country they’re actually in
Writer: Ianpic.twitter.com/TD29yEUeuo
— Mario Nawfal (@MarioNawfal) July 10, 2026
Од полицијата порачаа дека нема да толерираат насилство на улиците ниту напади врз полициски службеници и најавија анализа на снимките од безбедносните камери и видеата објавени на социјалните мрежи со цел идентификација на сите учесници во нередите.
Снимките што се појавија на интернет покажуваат десетици полицајци во опрема за разбивање немири, скршени стакла и отпад по улиците, како и лица кои фрлаат чадни бомби и шишиња кон полицијата.
На дел од видеата може да се видат навивачи кои се качиле на телефонски говорници и развеале палестински знамиња, додека толпата ги поздравувала со аплауз. Во друг дел од улицата, еден навивач се качил на семафор, додека зад него биле активирани пиротехнички средства.
Police are clearing Edgware Road from football fans but there is one police man injured on the ground not moving
Bad scenes in london after Morocco 🇲🇦 lose to France in the World Cup pic.twitter.com/PNc2kk2tA5
— Paul Brown 🇬🇧 Browns fan🏈 London News 🎥Vlogger (@PaulBrown_UK) July 9, 2026
Нереди и во други европски градови
Инциденти беа забележани и во други европски градови.
Во Амстердам интервенираше специјалната полиција, а снимките покажуваат голем пожар на една од улиците и лица кои фрлаат предмети кон возила.
Повредени се пријавени и во Хаг, каде што се собраа голем број марокански навивачи, од кои дел носеа палестински знамиња.
Во Брисел, навивачи активирале огномети и извикувале „Слободна Палестина“, додека во Ротердам дел од насобраните фрлале јајца кон полициските службеници.
За разлика од другите европски градови, во Париз не беа регистрирани поголеми инциденти, иако француските власти распоредија околу 20.000 полицајци низ земјата поради стравувања од можни немири.
Наместо судири, на Елисејските Полиња владееше славеничка атмосфера, каде што француски и марокански навивачи заедно ја прославуваа фудбалската вечер, а улиците беа исполнети со автомобили кои непрекинато свиреа со сирените.