Гури и Алими добија по 3,5 години затвор за уништување на изборен материјал

Исмет Гури и Ејуп Алими, обвинети во предметот „Титаник 3“, се прогласени за виновни поради уништување на изборен материјал на локалните избори во општина Чаир, во 2013 година. Судијката Марија Клетничка денеска ги осуди на по три години и шест месеци затвор.

При објавување на пресудата Клетничка рече дека обвинетиот Гури е виновен затоа што за време на локалните избори во општина Чаир, во 2013 година, заедно со сведоците Блерим Мухаџери и Ќани Точи ги преправале записниците од гласањето. Додека обвинетитот Алими е виновен зашто презел противзаконски дејствија за уништување на изборен материјал.

Воедно, судијката истакна дека застапникот на обвинението имал право да одлучи кој ќе биде опфатен со обвинението, односно лицата Мухаџери и Точи во овој предмет биле презентирани како сведоци.