📽️ ГРЧКИ ВОЕН АВИОН Ф-16 ПРИНУДНО СЛЕТА НА ЗАКИНТОС И СЕ ЗПАЛИ Пилотот е спасен, се истражува причината за несреќата
Авионот припаѓа на 116-то борбено крило на грчките воздухопловни сили. Се очекува истрага за причината за инцидентот откако ќе се изгасне пожарот.
Грчки воен авион F-16C извршил принудно слетување на меѓународниот аеродром во Закинтос и се запалил, објавија локалните медиуми.
Станува збор за борбен авион на грчките воздухопловни сили кој полетал од воздухопловната база Араксос во близина на Патра.
Според првичните информации, пилотот морал да изврши принудно слетување поради пожар во авионот по полетувањето.
Локалните медиуми јавуваат дека пилотот е добро.
A Hellenic Air Force F-16 made an emergency landing and caught fire at Zakynthos International Airport, western Greece, on Thursday afternoon.
According to initial information, the pilot is in good health.
At this time, authorities are assessing the damage to the aircraft,… pic.twitter.com/90AaUcimSb
— Breaking Aviation News & Videos (@aviationbrk) July 9, 2026
Грчките медиуми пишуваат дека пилотот веднаш го известил Националниот центар за воздушни операции, Командата за тактичко воздухопловство и базата Араксос од која полетал. Му било наложено да изврши принудно слетување на аеродромот во Закинтос.
Поради инцидентот, аеродромските служби се ставени на највисока готовност, а сите летови се привремено откажани.
Според грчките извештаи, пожарот избувнал по принудното слетување, а причината за слетувањето е технички дефект. Дел од извештајот споменува можност за проблем со опремата за слетување, но официјална потврда за причината сè уште не е објавена.
Авионот припаѓа на 116-то борбено крило на грчките воздухопловни сили. Се очекува истрага за причината за инцидентот откако ќе се изгасне пожарот.