ГРАДОНАЧАЛНИКОТ НА НОВАЦИ НЕ ЧИТА ЛЕКАРСКИ СОВЕТИ На турбо фолк ги кани и тие со една доза вакцина?!
Професорот Никола Пановски вчера апелираше до сите вакцинирани со една доза да не ги слушаат властите кога ги канат на настани и да не ризикуваат затоа што со една доза тие немаат имунитет, можат да се заразат и да пренесат ковид-19.
Градоначалникот Општина Новаци Љубе Кузмановски, кој заедно со општината е покровител на изборот за летен фолк-хит,ги покани заинтересираните да го проследат фестивалот, на кој во општинскиот двор ќе настапат околу 20 познати музички имиња од домашната фолк сцена.
„Да бидеме одговорни и совесни и да се заштитиме. Новите мерки за заштита ќе важат при одржувањето на фестивалот, а на редарската контрола ќе треба да и приложите задолжителна потврда за извршена имунизација, најмалку прва доза, или потврда за прележан ковид-19, првите 45 дена по прележувањето“, објави Кузмановски на својата страница.
Професорот Никола Пановски вчера апелираше до сите вакцинирани со една доза да не ги слушаат властите кога ги канат на настани и да не ризикуваат затоа што со една доза тие немаат имунитет, можат да се заразат и да пренесат ковид-19.