ГРАЃАНИТЕ СЕ СМРЗНУВААТ ВО РЕДИЦИ ЗА ЛИЧНИ КАРТИ Ова е слика за неспособноста на МВР и на Оливер Спасовски, вели Наум Стоилковски
Ниту централата за закажување им работеше, ниту центрите за фотографирање им работеа на време, ниту сега имаат воспоставен систем за издавање на документи. Со еден збор – безредие – рече портпаролот на ВМРО-ДПМНЕ.
На минусни температури граѓаните се принудени да чекаат во редови надвор за да извадат лични документи. Ова е срамно, ова е сликата за владеењето на СДС и ДУИ – изјави портпаролот на ВМРО-ДПМНЕ, пред пунктот на МВР за вадење лични карти во полициската станица „Пролет“.
– Редиците зад мене се резултат на неспособноста на Оливер Спасовски и на Владата на СДС со ДУИ, кои што се неспособни да овозможат граѓаните на достоинствен начин да извадат лични документи! И не случајно сме вечерва тука на импровизираниот пункт на МВР, каде што на минусни температури граѓаните се подложени да чекаат во редови надвор за да извадат лични документи.
А, иста ваква слика со метеж и редици е и во пунктот во МТВ за издавање. Јавноста мора да ја види вистинската слика за неспособноста на Оливер Спасовски, МВР и Владата на СДС.
Ова е срамно, ова е сликата за владеењето на СДС и ДУИ, редици за документи. Ниту централата за закажување им работеше, ниту центрите за фотографирање им работеа на време, ниту сега имаат воспоставен систем за издавање на документи. Со еден збор – безредие!
МВР, наместо да воведува ред, е извор на безредието во Македонија, несигурност и создава проблеми на граѓаните – рече портпаролот на ВМРО-ДПМНЕ.