ГОРИВАТА ЗА ЕДНА ГОДИНА ПОСКАПЕА 70 ОТСТО Опозицијата тврди дека кај платите нема никаков пораст
Погодени се граѓаните, транспортерите, рударството, градежништвото, буквално сите дејности.
Цените на горивата за една година пораснале за 70 отсто, платите не пораснаа воопшто, затоа со СДСМ и ДУИ има сиромаштија, велат од опозициската ВМРО-ДПМНЕ.
– Во април 2020 година дизелот се продавал по цена од 46 денари, април 2021 година цената била 56 денари, а денес истиот се продава по цена од 75 денари, покачување од 63 отсто.Драстичен раст има и кај цената не бензинот. Тој во април 2020 година се продавал по цена од 50 денари, април 2021 по цена од 69 денари, а денес по цена од 84.5 денари, што е покачување од скоро 70 отсто велат од партијата.
Оттаму додаваат дека горивата се клучна алка во голем број индустрии, цената на сите производи во голема мера зависи од нивната цена.
– Погодени се граѓаните, транспортерите, рударството, градежништвото, буквално сите дејности. Со СДСМ и ДУИ има сиромаштија. Со СДСМ и ДУИ нема да има решение на кризата – велат од ВМРО-ДПМНЕ.