Голготата на едно семејство и нивното милениче: „Лајка“ ни го зеде кучето и ни бараат 300 евра

Скопјанец на својот Фејсбук профил сподели објава во која ја раскажува голготата на едно семејство кое морало да плати за да си го врати своето милениче од ЈП „Лајка “.

– На 1ви вечерта нивното милениче – кутре од расата американски стафордски териер од петарди се плаши и бега во паника од својот двор, од своите сопственици. Тие веднаш прават потера по него за да се најде но неуспешно,објавуваат на сите ФБ групи со слики од кучето како и парична награда за чесниот пронаоѓач, но од кучето нема ниу трага ни глас, некој ден потоа стига инфо до фамилијата дека кучето е во паркот за кучиња во општина Аеродром каде веднаш преставник од семејството чие е кутрето оди на лице место за да си го земе, но таму ги затекнува веќе пристигната екипа на ЈП ЛАЈКА И полиција од станица Аеродром. Семејството мислејки дека тоа е процедура се обраќа веднаш до ЛАЈКА од каде почнува голготата. Никој од ЈП Лајка не им дозволува да го видат кутрето и покрај доказите кој ги приложуваат сопствениците – вели скопјанецот Стефан Кирков кој во детали и со документација ја раскажува приказната на Фејсбук.