📽 ГОЛЕМА ЕКСПЛОЗИЈА ВО ТЕРМОЕЛЕКТРАНА ВО РУСИЈА  Повредени 18 лица, 6 се во тешка состојба

Силна експлозија се случи во термоелектрана во градот Шагонар во оддалечениот руски регион Тува, а 18 лица се повредени, изјави регионалниот шеф Владислав Ховалиг.

До експлозијата дошло во одделот за снабдување со топлина.
„Експлозијата се случи само на местото на снабдување со гориво од подвижна лента“ – објави Телеграм.

In Tuva Russia, a powerful explosion occurred at a thermal power plant, at least 18 people were injured 🤷
According to Russia, all four boilers are okay 🤷 pic.twitter.com/wfPI7FGruW

— Kvist.P💙💛❤️🇩🇰 (@kvistp) March 6, 2024

Надлежните соопштија дека во Шагонар е исклучено парното. На термоелектраната се приклучени 62 станбени згради, а снабдувањето со топлинска енергија треба да продолжи во вечерните часови. Во градот моментално е 16 степени под нулата.

Како што соопштија од регионалното Министерство за вонредни состојби, пожар со силен чад избувнал во термоелектраната Шагонар.

Во тоа време таму работеле 21 лице. Како што рече шефот на Тува, Владислав Ховалиг, никој не е повреден, но 18 лица се хоспитализирани, од кои 6 се во тешка состојба.

Пожарот е веќе изгаснат, а објектите се полеваат и демонтираат. Во Тува е воведена регионална вонредна состојба, а истрагата е во тек.