🎥 ГОЛЕМА ЕКСПЛОЗИЈА НА КРИМ Украински ракети го погодија седиштето на руската црноморска флота
Севастопол од неодамна е често мета на украински воени беспилотни летала и крстаречки ракети. Според фотографиите и видеата кои денеска се проширија на социјалните мрежи, се чини дека експлозијата се случила токму во пристаништето, каде често се наоѓаат руски воени бродови.
Денеска одекна силна експлозија во Севастопол, најголемиот град на украинскиот полуостров Крим, кој беше припоен од Русите во 2014 година и клучното пристаниште, каде што се наоѓа седиштето на руската Црноморска флота.
Севастопол од неодамна е често мета на украински воени беспилотни летала и крстаречки ракети. Според фотографиите и видеата кои денеска се проширија на социјалните мрежи, се чини дека експлозијата се случила токму во пристаништето, каде често се наоѓаат руски воени бродови.
Неофицијалните канали на Твитер, блиски до украинската страна, објавија видео на кое се гледа облак чад, при што локалните жители велат дека виделе ракети над градот непосредно пред експлозијата.
/2. Video from Sevastopol. According to the locals on the video there were missiles flying right over them before the explosion. pic.twitter.com/8MahbiIBd3
— Special Kherson Cat 🐈🇺🇦 (@bayraktar_1love) September 22, 2023
– Најмалку една украинска ракета го погоди седиштето на руската Црноморска флота во Севастопол. По ударот избувна пожар – изјави локалниот проруски гувернер Михаил Развозаев.
Развозајев додаде дека, иако е означен крајот на воздушната тревога, можен е нов напад и ги повика граѓаните да го избегнуваат центарот на градот, каде што се наоѓа седиштето на Црноморската флота.
💥 Video of the hit pic.twitter.com/slk02aVyPq
— Ukrainska Pravda in English (@pravda_eng) September 22, 2023
-Пожарникарите се на терен – изјави прорускиот гувернер, додавајќи дека парче шрапнел од експлозијата паднало во близина на театарот Луначарски.
Well, what can I say.
Nothing but classic “from Kyiv to be seized within 72 hours to Russia’s Black Sea Fleet HQ being targeted.” pic.twitter.com/wL8ai6n1wW— Illia Ponomarenko 🇺🇦 (@IAPonomarenko) September 22, 2023
Руската прорежимска новинска агенција ТАСС објави дека остатоци се расфрлани на „стотици метри“ од местото на ударот. Истата агенција наведува дека биле забележани голем број возила на итната помош како брзаат кон местото на нападот.
Од руското Министерство за одбрана преку руската агенција РИА првично беше објавено дека еден припадник на вооружените сили е убиен во нападот, но набрзо потоа Министерстото објави нов извештај во кој се наведува дека војникот е исчезнат.