ПРВИОТ СОПРУГ ГО ЗАПОЗНАЛА НА 14 ГОДИНИ, ВО СЕКОЈ БРАК БИЛА НЕВЕРНА, СЕ СКРАСИЛА НА 57 Кои биле сопрузите на легендарната Брижит Бардо?

Познатата Брижит Бардо, која почина на 91-годишна возраст во својот дом во Сен Тропе, Франција, била мажена четири пати и, како што открила самата, имала 17 љубовни врски. Нејзините бракови биле обележани со нејзините неверства, сè додека не се случила голема промена во нејзиниот живот на 57-годишна возраст.

– Секогаш барав страст. Затоа често бев неверна. А кога страста ќе исчезнеше, ги пакував куферите – рекла Брижит Бардо. Ова постојано барање страст ја довело до бурни врски со некои од најголемите имиња во светот на филмот и музиката.

Првиот сопруг го запознала на 14 години, се омажила на 18

Актерката го запознала режисерот Роџер Вадим на аудиција во 1949 година, кога имала 14 години, а тој во тоа време бил млад помошник-режисер. Таа го сметала за „исклучително згоден“, но не можела да замисли дека тој ќе се заљуби во неа. Тие се венчале во 1952 година во црквата Нотр Дам де Грејс во париското предградие. Имала само 18 години.

Вадим станал нејзин ментор, режирајќи го филмот „Et Dieu… créa la femme“ (1956), кој ја катапултирал до статус на глобална икона. На снимањето се заљубила во актерот Жан-Луј Трентињан, нејзиниот партнер во филмот. Се развела од режисерот во 1957 година, но останале во добри односи сè до неговата смрт во 2000 година.

Вториот сопруг на Брижит Бардо почина пред два месеци, со него го имаше својот единствен син

На снимањето на филмот „Babette s’en va-t-en guerre“, таа го запозна младиот актер Жак Шарие. Тие се венчале во 1959 година. Со него го добила синот Николас во 1960 година. Врската на двојката брзо се влошила. Шарие страдал од депресија, додека Брижит, која се борела со постпартална депресија, започнала афера со Семи Фреј за време на снимањето на „La Vérité“ на Анри-Жорж Клузо и биле заедно две години.

Се развеле со Шарие во 1963 година. Николас бил одгледан од својот татко. Шарие почина во септември оваа година.

Брижит Бардо имала комплициран однос со својот син.

Милијардер и илјада рози

Во летото 1996 година, таа го запознала Гинтер Сакс, германски фотограф и милијардер индустријалец. За да ја освои Брижит Бардо, тој одлучил да фрли илјадници рози од хеликоптер над неговиот имот во Сен Тропе.

Се венчале во 1966 година во Лас Вегас. За време на нивниот брак, таа имала страсна афера со Серж Генсбур, кој напишал незаборавни песни за неа.

Третиот брак на актерката завршил во 1969 година без никакви конфликти. Сакс починал во 2011 година.

Поминала со Генсбур три месеци во текот на шеесеттите години, романсата оставила неизбришлив белег во историјата на француската шансона. За неа, ги напишал песните „Harley Davidson“, „Bonnie & Clyde“, „Comic Strip“ и првата верзија на песната „Je t’aime, moi non plus“. Имала романса и со пејачот Жилберт Бако, а се шпекулирало дека била наклонета и кон истиот пол.

 

Ветување што не го прекршила

 

На вечера во Сен Тропе, таа се запознала со Бернар д’Ормал, индустријалец и поранешен политички советник. Имала 57 години. Тоа била љубов на прв поглед.

Два месеци подоцна, во 1992 година, се венчале во Норвешка. Тоа бил нејзиниот последен и најдолг брак.

Живеела со својот четврти сопруг повеќе од 30 децении во Сен Тропе.

– Тој ќе ми биде сопруг до крајот на мојот живот – рекла таа.

Бернар д’Ормал, сега 83-годишен, ја придружувал во нејзината борба за правата на животните и бил со неа до крајот.

Во една прилика, осврнувајќи се на својот љубовен живот, таа рекла: Жан-Луј Трентињан и Семи беа, верувам, најголемите љубови во мојот живот, најважните, најдлабоките, незаменливите.