Гледајте ги од дома претставите на Домот на култура од Кавадарци

Домот на култура од Кавадарци преку интернет ги носи своите театарски претстави во домовите на сите љубители на културата и уметноста, во време на коронавирус.

Културните работници повикуваат да се погледнат фотографиите и видео записите на нивната страница и профил на социјалните мрежи, од настаните кои се одржани во оваа институција (театарски претстави, концерти од сите музички жанрови, ликовни изложби, фото изложби, промоции на книги и слично. Ќе се обидеме, велат, овие денови до сите да допрат и досега необјавени видео записи од културни и уметнички настани.

– Во време на вонредна состојба во државата, Домот на културата „Иван Мазов – Климе“ од Кавадарци во целост ги почитува и спроведува препораките и мерките на Владата на Република Северна Македонија и на локалната самоуправа на општина Кавадарци – нагласуваат од Културниот дом.

Оттаму додаваат дека иако не се одржуваат настани, просториите на Домот се целосно дезинфицирани според законските прописи.