ШЕФОТ НА ПРОТОКОЛ ВО МНР ПОДНЕЛ ОСТАВКА Лично не бил виновен за скандалот со словачкото знаме
Директорот на протокол во Министерството за надворешни работи поднел оставка од функцијата поради гафот со словачкото знаме за време на минатонеделната посета на шефицата на словенечката димпломатија Тања Фајон во Скопје, рече министерот за надворешни работи Бујар Османи за ТВ 24, истакнувајќи дека тој ја прифатил оставката.
– Тоа беше едно од десетте знамиња и кога имате интензивна агенда, се прават грешки. Директорот на протоколот поднесе оставка иако немаше никаква дректна одговорност, оставката ја прифатив. Тоа се други луѓе, а поради морална одговорност тој поднесе оставка – рече Османи.
Гафот се случи пред десетина дена кога место словенечко, во кабинетот на Османи во МНР, за време на неговата средба со словенечката министерка беше поставено знамето на Словачка.