ГИ УБИЛ СОПРУГАТА И НЕЈЗИНАТА МАЈКА Кумановец се самоубил
Семејството имало две малолетни деца. Едното од нив не било во семејниот дом, а другото било затворено во посебна соба, но е неповредено во трагичниот настан.
Четириесет и шестгодишен кумановец ги убил сопругата и нејзината мајка по што се самоубил. Од полицијата информираат дека случајот е пријавен денеска околу 14:25 часот.
„Денеска околу 14:25ч. постапувајќи по добиена пријава, во стан во Куманово полициски службеници ги пронашле починати Е.А.Ј. (40) од Куманово и нејзината мајка П.Н., кои претходно со нож ги убил Д.Ј. (46) од Куманово (сопруг на Е.А.Ј.) Потоа Д.Ј. си нанел повреди и себеси и скокнал од прозорецот. Д.Ј. е пренесен во болницата во Куманово, каде починал“, соопшти полицијата.
Јавен обвинител и екипа на СВР Куманово преземаат мерки за расчистување на случајот.
Порталот Куманово њуз објави дека соседите изјавиле дека сторителот досега неколкупати бил пријавуван за вознемирување или семејно насилство.
Семејството имало две малолетни деца. Едното од нив не било во семејниот дом, а другото било затворено во посебна соба, но е неповредено во трагичниот настан.