ГИ ФАТИЛЕ СО 50 КИЛОГРАМИ ПАСТРМКА Уапсени двајца албански државјани
При извршената контрола во патничко возило „мерцедес“, со албански национални ознаки, биле пронајдени 81 парче охридска пастрмка и 20 рибарски мрежи, информира МВР.
Лишени се од слобода двајца државјани на Албанија откако на влезот во струшкото село Радолишта во нивното возило биле пронајдени 50 килограми риба од страна на полициски службеници од Одделението за прекуграничен криминал – Струга.
„Полициски службеници од Одделението за прекуграничен криминал-Струга, во содејство со Полициската станица за граничен надзор Франгово, денеска кај крстосницата на влез во село Радолишта, струшко, лишени од слобода се С.М.(39) и А.С.(43) двајцата од Р.Албанија“, информираше попладнево Министерството за внатрешни работи.
Според информациите од МВР при извршената контрола во патничко возило „мерцедес“ со албански национални ознаки биле пронајдени 81 парче охридска пастрмка и 20 рибарски мрежи.
С.М. и А.С. се приведени во полициската станица за Граничен надзор Франгово и по целосно документирање на случајот против нив ќе биде поднесена соодветна пријава.