Германија останува економскиот мотор на ЕУ (ИНФОГРАФИК)
Франција, Италија, Шпанија и Холандија се на врвот на првите пет економии на блокот за 2019 година.
Германија даде најголем придонес во бруто домашниот производ на Европската унија (ЕУ) во 2019 година, покажуваат податоците на Европската канцеларија за статистика – „Евростат“.
Според податоците, скоро 25% од БДП-то на ЕУ потекнува од Германија. На второ место е Франција со 17,4% и на третото место е Италија со 12,8%. Во првите пет се и Шпанија со 8,9% и Холандија со 5,8%.
Малта придонесува најмалку за БДП-то на ЕУ – 0,1% во минатата година. Следат Латвија, Кипар и Естонија со по 0,2%, Словенија и Литванија со по 0,3%.
Од земјите од регионот придонесот на Бугарија во БДП-то е релативно мал или 0,4%, а на овој показател се на исто ниво со Хрватска. Придонесот на Романија е значително поголем, поради тоа што придонесува со 1,6% во БДП-то.
Во 2019 година, БДП-то на ЕУ изнесуваше околу 13,9 трилиони евра.
Во реална смисла, БДП-то на ЕУ во 2019 година е за 10% поголем од пред 10 години, според „Евростат“.
Бруто домашниот производ на 19-те земји-членки на еврозоната изнесува 11,9 трилиони евра, што е 85,5% од вкупниот дел на ЕУ.
