ГЕРМАНИЈА НЕ ТРПИ НЕРАБОТНИЦИ На сите што ќе одбијат работа ќе им ги укине социјалните бенефиции

Сите кои ќе одбијат работа во Германија повеќе нема да добиваат помош во вид на компензација, изјави германскиот министер за труд Хубертус Хајл кој подготви Уредба со која планира да ги натера мрзливите Германци да работат.

– Секој што не се согласува ќе мора да се соочи со потешки последици. Како министер за труд, знам едно: Германија е земја на вредни работници. Секој ден гледам луѓе кои се борат да го одржат општеството заедно. Но, некои луѓе сè уште зависат од државата, бидејќи потребата од помош може да го погоди секого, без разлика дали е поради болест, невработеност или други влијанија на судбината, а за нив вреди следново, можат да се потпрат на социјалната држава – рече  Хајл.

Уредбата предвидува укинување на бенефициите до 2 месеца на секој што ќе одбие да работи. Но државата ќе продолжи да го плаќа станот за да го спречи бездомништвото.

– Регулативата ќе биде во согласност со пресудата на Сојузниот уставен суд за финансиски санкции на граѓаните“, соопштија од Министерството, а пренесува списанието Феникс.

Се укинува и граѓанскиот додаток, но останува основната идеја за подобро вклучување на луѓето на пазарот на труд преку обука. Надоместокот за обука и додатокот за дополнителна обука ќе продолжи да им се исплаќа на учесниците на курсевите за стручна обука.

Германската федерална влада сака да го одобри ова ново правило до 2 јануари.