Германија ја повика ЕУ да го укине правото на вето на некои членки
Оние кои го прават тоа играат, повеќе или помалку на долг рок, со кохезијата на Европа - рече германскиот министер за надворешни.
Германскиот министер за надворешни работи, Хајко Мас денеска ја повика Европската унија (ЕУ) да го укине правото на вето што го имаат членките на Унијата за ЕУ да не биде „заложник“ во своите постапки.
– Не можеме повеќе да бидеме заложници на оние кои ставаат вето на европската надворешна политика со своето вето. Оние кои го прават тоа играат, повеќе или помалку на долг рок, со кохезијата на Европа – рече Мас на прес-конференција во Берлин.
Правилата на ЕУ предвидуваат дека одредени одлуки, особено во врска со оданочувањето или надворешната политика, бараат едногласна одлука на земјите-членки, и тие имаат можност да го користат ветото за да го блокираат или одложат.
Унгарија редовно ја користеше својата моќ на вето во последните месеци за да ги блокира критичните изјави на ЕУ за Кина.