ФРЧАТ ОСТАВКИ ВО ХОЛАНДИЈА Заминува уште една министерка поради пропусти во евакуацијата на бегалци од Авганистан

Мнозинството пратеници вчера рекоа дека двете министерки се одговорни за бавниот одговор на владата по преземањето на талибанците и за неуспехот да се подготват за безбедно поминување на илјадници Авганистанци кои би можеле да се квалификуваат за азил во Холандија.

1,124

Холандската министерка за одбрана Анк Бијлевелд најави дека ќе поднесе оставка поради начинот на кој се справила со евакуацијата на бегалците од Авганистан минатиот месец, откако оставка поради истите причини поднесе министерката за надворешни работи Сигрид Кааг, пренесува Политико.

Мнозинството пратеници вчера рекоа дека двете министерки се одговорни за бавниот одговор на владата по преземањето на талибанците и за неуспехот да се подготват за безбедно поминување на илјадници Авганистанци кои би можеле да се квалификуваат за азил во Холандија.






Владата оттогаш е со привремен статус, бидејќи напорите на Руте и Кааг да формираат нова влада застанаа по општите избори пред шест месеци.

Кааг поднесе оставка веднаш откако пратениците го прифатија предлогот со кој се критикува владата за неуспехот во евакуација на некои Авганистанци и за тоа што не увидла однапред дека талибанците би можеле да ја преземат власта многу брзо.

– Според моето сфаќање за демократијата и нашата традиција на владеење, министерот мора да си замине ако неговата политика доживеала осуда. Затоа, ќе поднесам оставка од функцијата министер за надворешни работи – наведе Кааг.

Поврзани содржини