Франција не воведува карантин за луѓе кои доаѓаат од ЕУ, Шенген-зоната и од Британија

Франција нема да воведе карантин „за оние, без оглед на националноста, кои доаѓаат од ЕУ, Шенген-зоната и Велика Британија“, се вели во соопштение од Кабинетот на францускиот претседател.

Во саботата, министерот за здравство Оливие Веран рече дека мерката за карантин, предвидена во нацрт-законот за продолжување на вонредната здравствена состојба, ќе се однесува на „секој што влегува во државата или доаѓа на прекуокеанска територија“.

За други случаи, како Французите и Европејците кои доаѓаат од други области од ЕУ, Шенген-зоната и Велика Британија, Министерството за надворешни работи ќе „одлучи деновиве“ начин на постапка, додаваат од Кабинетот.

Француската Влада во саботата донесе одлука за продолжување за двата месеца, до 24 јули, на вонредната состојба поради ковид-19 и донекаде разјасни принцип на релаксација на ограничувањата предвидени од 11 мај.