Филипче: Во моментов нема потреба од нови мерки! Се очекува помош од Кина во медицински возила

Во државата широко е распространет вирусот и секое мало невнимание значи зараза, рече на денешната прес конференција министерот за здравство, Венко Филиче.

Според него за две до три недели сегашните мерки треба да ги дадат првичните резултати.

– Во овој момент нема потреба од нови рестриктивни мерки. Тоа утринава било разговарано и заклучено на состанокот на Комисијата за заразни болест. Апелирам до граѓаните ако немате потреба немојте да излегувате од дома – рече Филипче на прес конференцијата.

Министерот изјави дека лекарите и медицинскиот персонал се уморни, но се надева дека и овој пат ќе бидат на висината на задачата и ќе се справат со кризата и овој нов есенски бран кој е доста силен.

Според Филипче очекуваме помош од Кина, а тоа се 60 нови медицински возила. Тоа е голема помош од Кина која беше пролингирана поради кризата со ковид-19.