Филипче смирува: Нема опасност од ширење на друга мутација, кај нас доминира британската

Министерот за здравство, Венко Филипче одговарајќи на новинарско прашање вели дека во нашата земја доминантен е британскиот сој, а случајот со шоферот од Делчево кој бил заразен со јужноафрикански сој не претставува опасност за доминација на овој вид на мутација во земјава.

Тој појасни дека мажот од Делчево во месец март кој патувал и бил возач на камион е поединечен случај и нема потенцијална опасно да доминира друг сој над британскиот.

– Според анализите јужноафриканскиот и бразилскиот не се подоминантни од британскиот сој. Овој бран спласнува потребно е една недела за да се одлучи за понатамошно олабавување на мерките, односно наредниот понеделник кога ќе се направи пресекот на две недели – рече Филипче.