Филипче: Семејството на починатиот пациент одбиваше да контактира со епидемиолозите
Многу беше тешко да се пристапи до семејството на починатиот, бидејќи постојано одбивало да контактира со епидемиолозите, како за организирање на погребот, така и во однос на давање податоци за контактите и присутните на погребот - истакна министерот.
Епидемиолозите имаат сериозен проблем со семејството на починатиот скопјанец кому вчера постмртно му беше утврден позитивен тест на кроонавирусот, истакна министерот за здравство Венко Филипче на денешната прес-конференција.
Можеби ќе ве интересира
Тој објасни дека лицето починало во приватна болница во Скопје, а семејството го зело од болницата и го погребало според сите верски и народни обичаи, без да се почитуваат мерките за заштита од коронавирусот.
– Многу беше тешко да се пристапи до семејството на починатиот, бидејќи постојано одбивало да контактира со епидемиолозите, како за организирање на погребот, така и во однос на давање податоци за контактите и присутните на погребот – истакна министерот.