Филипче: И новинарите може да бидат дел од скринингот за ковид-19

Медиумските работници може да бидат земени предвид за скрининг за коронавирус, иако во иницијалниот план не беа ставени на Комисијата за заразни болести, одговори Венко Филипче на новинарско прашање дали и новинарите и медиумските работници ќе бидат вклучени во скринингот за коронавирус во кој се вклучени полицијата, вработените во градинките и други категории на граѓани кои имаат голем број контакти со граѓани, поради природата на својата професија.

– Сметам дека и од оваа интензивна комуникација видовме дека се сосема коректни и добро се придржуваат до превентивните мерки – рече Филипче.