Филипче: Бројот на заболени и починати ќе расте, пред нас е тежок период
Денеска имаме и починат млад човек, што значи дека вирусот е сериозна закана. Ние мораме сериозно да се однесуваме, рече министерот за здравство.
Министерот за здравство Венко Филипче на денешната прес конференција упати порака до граѓаните дека сите мораме да бидеме свесни дека бројот на заболени и починати од коронавирусот ќе расте и затоа мораме да бидеме одговорни и да ги почитуваме мерките.
– Сакам да упатам порака до граѓаните. Панедмијата во светот не стивнува, напротив постојано расте. Вирусот не заобиколи нути една земја, ниту нашата. Повеќе од еден месец како беше регистриран првиот случај во нашата земја. Добро е што бројот на случаи се зголемува линеарно што сѐ уште му дава шанса на нашиот здравствен систем соодветно да ги прими и амортизира сите пациенти без да бидат натрупани нашите капацитети. Сѐ уште сме во една форма на војна со вирусот ковид-19. Влегуваме во вториот месец борба, пред нас е најтешкиот период. Кога бројот на заболени ќе расте и за жал бројот на починати. Денеска почина млад човек што е доказ дека вирусот не штеди никого. Сите овие кои досега не беа убедени во опасноста сега верувам дека им е целосно јасно дека ова е многу сериозна закана и дека мора сериозно да се однесуваме кон неа. Сакам да упатам апел да ги почитуваме препораките, да не се шири паника затоа што оваа борба зависи од секој од нас – рече минисерот.