Фејсбук се откажа од измислувањето слушалки кои ја претвораат мислата во пишан збор – сега ќе изработува алка
Никогаш немавме намера да направиме производ за операција на мозок – објасни Марк Шевиле, невролог кој претходно работел на проектот. Импресивен е фактот дека слушалките во првата фаза на тестирање му овозможиле на човек кој доживеал мозочен удар, да напише реченици со 15 зборови во минута. Но, за Фејсбук тоа не е ни приближно доволно брзо.
Специјални слушалки кои мислата ја претвораат директно во пишан збор сепак е многу тешко да се направат, признаваат од Фејсбук на својот блог, по 4 години обидување. Наместо овој интерфејс, компанијата ќе се насочи кон правење на алка која ќе се носи на зглобот и која ќе биде контролор за виртуелна реалност (VR), пишува Футуризам.
„И покрај тоа што сè уште веруваме во долгорочниот потенцијал на оптички опремени [интерфејс мозок-компјутер] технологии, решивме да ги насочиме нашите непосредни напори кон поинаков пристап на нервен интерфејс кој ќе биде поблизок до пазарот“, гласи објавата на блогот на Фејсбук.
Операција на мозокот
Да се дешифрира бучниот мозок на еден човек, за потоа истото да се претвори во зборови и реченици било предизвик за Фејсбук и покрај тоа што пари за ова давале најголемите компании во светот. Од компанијата се надевале дека слушалките ќе ги користат не само луѓе со парализа, туку буквално сите корисници на оваа мрежа.
Сепак, набрзо се покажало дека без уредот да биде вграден во мозокот, однадвор слушалките не вршеле работа.
– Никогаш немавме намера да направиме производ за операција на мозок – објасни Марк Шевиле за MIT Technology Review, невролог кој претходно работел на проектот.
15 зборови во минута не се доволни
Импресивен е фактот дека слушалките во првата фаза на тестирање му овозможиле на човек кој доживеал мозочен удар да напише реченици со 15 зборови во минута. Но, за Фејсбук тоа не е ни приближно доволно брзо.
– Во догледна иднина гледаме апликации во клиничка помошна технологија, но тука не е нашиот бизнис – вели Шевиле. – Фокусирани сме на апликации на потрошувачи и треба да изодиме многу долг пат.
Фејсбук сега се потпира на развој на алка која се носи на зглобот и која може да чита мускулни сигнали во раката, дозволувајќи му да функционира како контролер во рамките на искуството со виртуелна реалност. Со помош на стартување CTRL-Labs, кое Фејсбук го купи уште во 2019 година, Фејсбук се надева дека ќе го донесе на пазарот контролорот за нараквици.