Европска земја има една вакцина „на дофат на рака“, но едноставно не ја сакаат
Бевме подготвени да платиме повеќе, но тие одлучија прво да им дадат вакцини на своите граѓани - вели Степанов.
Украина, со своите 41 милион жители, е на дното на линијата за вакцини против коронавирус на европскиот континент, не е подготвена да ги купи од Русија, според „Ројтерс“.
– Неколку пати побаравме од Европската унија да и додели одредена квота на вакцини на Украина – изјави министерот за здравство Максим Степанов за „Ројтерс“.
– Бевме подготвени да платиме повеќе, но тие одлучија прво да им дадат вакцини на своите граѓани – додаде тој.
Претседателот на Украина Володимир Зеленски апелираше до лидерите на земјите од ЕУ, истовремено признавајќи дека е многу непријатно кога чувствувате дека стоите таму со раширени раце.
ЕУ, иако има проблеми во обезбедувањето на вакцините, рече дека е подготвена да помогне, што го стори со финансирање на глобалната шема „Ковакс“ за посиромашните земји, вклучително и Украина.
Украина планира да вакцинира 14,4 милиони луѓе во оваа година, почнувајќи од февруари, кога очекува 117.000 вакцини „Фајзер“ преку „Ковакс“.