ЕВАКУИРАНИ ЧЕТИРИ НАСЕЛБИ ВО АТИНА Страшен пожар го зафати северниот дел од градот, на терен се 60 возила, 350 пожарникари…(ВИДЕО)

Преку порака од бројот за итни случаи 112 од жителите на четири населби беше побарано да се евакуираат поради големиот шумски пожар што кусо по 17 часот избувна во североисточниот дел на областа Атика, поширокиот регион на Атина, а огнените јазици веќе предизвикаа материјална штета на куќи, јави дописничката на МИА од Атина.

 

It’s almost dark and fire has grown a lot from this view from Agia Paraskevi in last half hour. #Πυρκαγια #Pendeli #greecefire #Greece #fire #wildfire #athens pic.twitter.com/CdGDOBPIYf

— Rachelle Galloway-Popotas (@owlinatree) July 19, 2022

Шумскиот пожар започна од планината Пендели и поради силниот ветер брзо се спушти и се прошири кон населените места, а ситуацијата е полоша од претходно и затоа зголемен е бројот на пожарникари кои учествуваат во справување со огнената стихија.

Според портпаролот на противпожарната служба на Грција, Јанис Артопиос во гаснење на пожарот од копно и воздух, интервенираат 350 пожарникари (28 се пожарникари од Романија кои се во Грција), 13 пешадиски тима, 60 противпожарни возила, пожарникари волонтери и цистерни од општините, а периодично интервенираат 15 авиони и девет хеликоптери, и покрај силниот ветер.

 

#πυρκαγια #wildfire spreading fast near #Greece’s capital of #Athens. The #fire crossed through villages. #fires @CGTNEurope #φωτια #φωτια_τωρα pic.twitter.com/olYw1gaG1i

— Evangelo Sipsas (@EvangeloSipsas) July 19, 2022

Артопиос рече дека се мобилизираат противпожарни сили од северна и централна Грција и од Епир за да помогнат во гаснењето на пожарот, а сите противпожарни служби од Атика се во општа готовност.

Паралелно мобилизирани се и полицајци за превентивна евакуација на населби, а засега, нема пријави за заглавени лица во пожарот.

 

London, Lisbon, Madrid, Athens, all on fire. Let’s not forget that “the current heatwave is clearly an issue that affects vast stretches of our planet: a global concern not a local one.” https://t.co/6CmddFlITs

— Ali Rıza Taşkale (@alirizataskale) July 19, 2022

Од бројот за итни случаи 112 првично, беше испратена порака до жителите на шест населби во близина на пожарот да бидат подготвени за евентуална евакуација, а помалку од половина час подоцна жителите на една од населбите добија нова порака да се евакуираат, по што следеа уште две пораки за евакуација на уште три населби.

Силниот ветер од над осум бофори (над 65 километри на час) брзо го шири пожарот и дополнително го отежнува гаснењето на пожарот.

Се чини дека пред пожарникарите е тешка вечер, со оглед на тоа гаснењето од воздух прекинува кога ќе се стемни, а воздушните средства интервенираат само додека е дење.

Чадот од пожарот е видлив во повеќе делови на Атина.

Освен четири населби и Националната опсерваторија за кои претходно беше дадена наредба за евакуација, вечерва превентивно беше евакуирана и детска болница што се наоѓа во близина на пожарот во североисточниот дел на областа Атика, поширокиот регион на Атина, јави дописничката на МИА од Атина.

Од болницата, 36 деца и 19 вработени беа префрлени во друга детска болница исто така во Атина.

Шумскиот пожар започна од планината Пендели и поради силниот ветер брзо се спушти и се прошири кон населените места, ситуацијата вечерва е особено тешка, а пожарот предизвика материјална штета на домови.

Со заоѓањето на сонцето запре и гаснењето од воздух, а авионите и хеликоптерите ќе продолжат да интервенираат утре наутро, штом се раздени.

Во гаснење на пожарот интервенираат 350 пожарникари,13 пешадиски тима, 60 противпожарни возила, пожарникари волонтери и цистерни од општините, мобилизирани се  противпожарни сили од северна и централна Грција и од Епир, а ангажирани се и 150 полицајци со 58 возила за превентивна евакуација на населби.