„ЕМОТИВЕН СУМ, СО НЕТРПЕНИЕ ГО ЧЕКАВ ОВА“ Навивачите со овации го дочекаа Ноле на теренот во Мелбурн (ВИДЕО)

Српскиот тенисер Новак Ѓоковиќ емотивно го доживеа топлото добредојде од публиката на Род Лејвер арената во Мелбурн, каде пред стартот на Авслија опен одигра денеска егзибициски натпревар во хуманитарни цели со домашниот тенисер Ник Кирјос.

Сите 15.000 влезници за дуелот меѓу Ѓоковиќ и Кирјос беа продадени за 58 минути.

Ѓоковиќ, кој пред една година беше депортиран од Австралија, бидејќи не е вакциниран против коронавирусот, со овации беше пречекан од австралиската публика.

– Ви благодарам многу, сега сум малку емотивен, да бидам искрен. Навистина се радував на враќањето на овој терен. Ви благодарам на сите што дојдовте – изјави Ѓоковиќ.

 

#Djokovic vuelve ante el público de la Rod Laver Arena por primera vez desde su deportación hace un año.

Es un partido de exhibición ante Kyrgios, el ídolo local. Aunque vista la ovación, el serbio parecía jugar en casa #AusOpen pic.twitter.com/8S9TMyLbi3

— Dani Bosque (@danibosque) January 13, 2023

Иако резултатот беше во втор план, двајцата тенисери освоија по еден сет, кој се играше во четири освоени гемови, а победникот беше одлучен во тај – брејк во кој на Ѓоковиќ и Кирјос им се приклучија и играчи во инвалидски колички. Тимот на Кирјос на крајот славеше победа со 10-9.

Инаку организаторите дадоа се од себе за да му биде забавно за Србинот. Од озвучувањето во арената се слушаше ужичко коло, а на тактовите на добро познатата српска мелодија не остана имун ниту Новак Ѓоковиќ.

 

When you even the score 🕺🏻@djokernole grabs the second set 4-2 against Kyrgios to level the match.#AusOpen • #AO2023 pic.twitter.com/c7i1OrtNsh

— #AusOpen (@AustralianOpen) January 13, 2023

Атмосферата потоа се прошири и на трибините. Покрај српскиот тенисер играа и навивачите на трибините.

 

Srbi cepaju kolce na tribinama Rod Lejvera pic.twitter.com/NFXxogrQAA

— Kalabaster (@KalabasterJak) January 13, 2023

Првиот годинешен грен – слем турнир почнува в понеделник, а Ѓоковиќ, кој има девет титули на Австралија опен, во првото коло ќе игра против Роберто Кабраљес Баена.