ЕКОНОМИЈАТА ЗАБЕЛЕЖА РАСТ ОД 3,4% ВО ВТОРИОТ КВАРТАЛ Најмногу порасна градежништвото за 7,3%

Бруто-домашниот производ забеежа раст од  3,4% во второто тримесечје горинава во споредба со истиот период лани, објави Државниот завоз за статистика.

Во второто тримесечје од 2025 година, поголем пораст е забележан во секторите: „градежништво“ од 7,3%, „трговија на големо и трговија на мало; поправка на моторни возила и мотоцикли“; „транспорт и складирање“; „објекти за сместување и сервисни дејности со храна“ од 6% и „рударство и вадење на камен“; „преработувачка индустрија“; „снабдување со електрична енергија, гас, пареа и климатизација“; „снабдување со вода; отстранување на отпадни води, управување со отпад и дејности за санација на околината“ од 3,9 %.

Финалната потрошувачка на домаќинствата, вклучувајќи ги и непрофитните институции кои им служат на домаќинствата, во второто тримесечје од 2025 година, номинално расте за 6,1 %, а нејзиното учество во структурата на бруто-домашниот производ е 68,5 %.

Во истиот период извозот на стоки и на услуги номинално е зголемен за 6,4 %, а увозот на стоки и на услуги исто така бележи зголемување во номинален износ од 7,3 %.

Според сезонски и календарски прилагодените податоци, стапката на раст на бруто-домашниот производ во второто тримесечје од 2025 година во однос на второто тримесечје од 2024 година е 3,2 %.

Бруто-инвестициите бележат пораст, главно, поради зголемувањето на бруто-инвестициите во основни средства.

Во првиот квартал од годинава БДП имаше раст од  3%.

Податоците за растот на БДП за третиот квартал од 2025 година во земјите од ЕУ сè уште не e достапен. Сепак, прогнозите за целата 2025 година предвидувааат скромен раст. Пролетната прогноза на Европската комисија за 2025 година предвидуваше раст од 1,1% за ЕУ ​​во 2025 година, додека прогнозата на ММФ за јули 2025 година за еврозоната беше 1,0% за годината.