ЏЕФ БЕЗОС ГИ ПРОДАВА АКЦИИТЕ ВО АМАЗОН Првиот пакет му донесе околу 2 милијарди долари
Минатата недела Амазон објави дека основачот Џеф Безос ќе продаде до 50 милиони акции во компанијата, во првата трансакција тој продаде околу 12 милиони акции за 2 милијарди долари.
Основачот на Амазон, Џеф Безос, продаде околу 12 милиони акции на компанијата за околу 2 милијарди долари, соопшти компанијата во петокот, набргу откако тој го претстави планот за продажба на своите акции во текот на следната година.
Продажбата е извршена во среда и четврток, според најновиот годишен извештај на компанијата, пренесува Ројтерс.
Минатата недела Амазон објави дека Безос ќе продаде до 50 милиони акции во компанијата.
Планот за продажба, кој подлежи на одредени услови, е усвоен на 8 ноември 2023 година и ќе биде завршен до 31 јануари 2025 година, се додава во документите на компанијата.
Безос, кој се повлече од функцијата извршен директор на компанијата и ја презеде функцијата извршен претседател во 2021 година, го основа Амазон како продавач на книги во 1994 година.
Тој во моментов е втор најбогат човек во светот со нето богатство од 200 милијарди долари, според индексот на милијардери на Блумберг.