ЌЕ СЕ РЕНОВИРА УРГЕНТНИОТ ЦЕНТАР Ако има наплив пациентите ќе се праќаат во други болници
Ако има наплив на пациенти договорено е тие од внатрешноста да се носат во ГОБ „8 Септември“, а итните случаи од Скопје во Старата градска болница.
Ургентниот центар во Скопје ќе работи со помал капацитет поради реновирање, од идната недела до јули, објави ТВ Сител.
Директорот на ТОАРИЛУЦ д-р Александар Трајановски уверува дека и за време на реновирањето ќе се примаат итните случаи.
Влезот за амбуланските возила ќе биде од страната на Стоматологија, а прегледите ќе се вршат во трите амбуланти на Трауматологија.
– Апсолутно ќе функционира Ургентниот центар како што функционирал досега, во помал обем, но сепак ќе бидат згрижени сите пациенти. Планираме реновирањето да трае еден до два месеца и преземени се сите активности за да нема несакани проблеми – изјави Трајановски.
Ако има наплив на пациенти договорено е тие од внатрешноста да се носат во ГОБ „8 Септември“, а итните случаи од Скопје во Старата градска болница.