📽 ДВОЈНА НЕЗГОДА НА КОНЦЕРТОТ Снимателот се сопна, а потоа и Лејди Гага падна
На социјалните мрежи се прошири видео од тоа како пејачката се сопна на пат кон сцената и падна, но веднаш стана и го продолжи настапот.
Лејди Гага (39) падна додека ја изведуваше песната „Vanish Into You“ на нејзината нова концертна турнеја „The Mayhem Ball“ во Лас Вегас. Видео од тоа како пејачката се сопна на пат кон сцената и падна, но веднаш стана и го продолжи настапот, се прошири низ социјалните мрежи.
Публиката ја пречека со голем аплауз и овации, а нејзините лојални обожаватели, познати како „Little Monsters“, уште еднаш покажаа колку многу им значи таа. Неколку моменти пред да падне Гага, се сопна и снимателот што ја придружуваше, што ѝ даде на целата сцена малку комична нота.
Pictured: Jamie so happy she might shoot through the roof
Not pictured: a person next to me going “so cute she held your hand! actually she kind of just… pulled your forearm?? But STILL!” after this
Not pictured: poor Gaga slipping and falling flat on her ass 30s before this pic.twitter.com/Kr8kI0eEyF
— Courtney Conquers (@courtneyconquer) July 20, 2025
Пејачката моментално е на својата осма турнеја. Таа го промовира својот нов албум „Mayhem“, кој беше објавен во март оваа година. Со сет листа од 27 песни, таа им подготви вистинска авантура на обожавателите. Гага изведува песни од новиот албум „Mayhem“, но и стари познати песни што обожавателите ги знаат и ги сакаат. Турнејата вклучува 63 концерти во земји низ целиот свет. Славната пејачка доаѓа и во Европа во септември, а последниот концерт од турнејата „The Mayhem Ball“ ќе се одржи на 30 јануари следната година во Токио, Јапонија.
Лејди Гага веќе на почетокот на својата кариера, уште во 2008 година, постигна голем успех со својот прв албум „The Fame“. Албумот веднаш привлече внимание на критичарите и постигна добар комерцијален успех. Неговите синглови станаа меѓу најпродаваните дигитални песни на сите времиња.