ДВЕ НЕСРЕЌИ СО ВОЗИЛА НА МВР ВО ЕДНА НОЌ Полициски „крајслер“ излетал од патот, а „дачија“ се судри во друг автомобил, има повредени полицајци
Од страна на увидна екипа на СВР Скопје веднаш бил извршен увид на местото на двете несреќи за да се утврдат причините.
Во текот на една ноќ, на скопските булевари се случија две одделни сообраќајни несреќи во кои беа вклучени службени возила на Министерството за внатрешни работи. Полициски ‘крајслер’ излета од патот, додека ‘дачија сандеро’ учествуваше во судир со друго возило. Во двата инциденти има повредени, меѓу кои и полициски службеници.“
Во првиот случај нешто по полноќ полициски „крајслер“ излетал од коловозот на булевар Александар Македонски во Скопје. Незгодата се случила кога возилото, управувано од полицискиот службеник М.Н. (32) од Кратово, изгубило контрола и излегло од патот.
Возачот се здобил со телесни повреди, кои биле потврдени од лекарите во Комплексот клиники „Мајка Тереза“. Од страна на увидна екипа на СВР Скопје веднаш бил извршен увид на местото на несреќата за да се утврдат причините за излетувањето.
Само еден час подоцна, на булевар Трета македонска бригада во Скопје, се случила уште една сообраќајна несреќа. Овојпат, патничко возило „форд фиеста“ управувано од М.В. (58) од Скопје се судрило со „дачија сандеро“, која е сопственост на МВР управувано од полицискиот службеник Н.С. (31).
Од судирот, со телесни повреди се здобиле полицискиот службеник Н.С. и неговиот сопатник, Н.С. (48), исто така од Скопје. И двајцата веднаш биле пренесени во Комплексот клиники „Мајка Тереза“, каде што им била укажана медицинска помош.
Увид на местото на настанот бил извршен од страна на екипа на СВР Скопје, која продолжува да ги истражува околностите поврзани со оваа сообраќајна несреќа.