ДУИ СЀ УШТЕ СЕ ВОДИ И УПРАВУВА ОД МАЛА РЕЧИЦА Димитриевски смета дека сè додека е така ќе одиме во погрешна насока
Кумановскиот градоначалник рече дека Македонците ја доживуваат ОНА како окупаторска сила.
ДУИ којашто на последните парламентарни избори се декларирала како зелена и реформирана партија со нови политики којашто ќе гради добри меѓуетнички односи, позитивно расположение во државата, олеснување на состојбите, денеска ја гледаме повторно во исто светло, многу слично како во 2001 година, изајви градоначалникот на општина Куманово Максим Димитриевски во вечерашното гостување во централниот Дневник на телевизија Сител.
Тој зборуваше за отворањето на спомен кулата на загинатите борци на ОНА во Слупчане.
-Во неколку наврати имам кажано, таа партија сè уште се води и се управува од Мала Речица. Сè додека е така мислам дека одиме во погрешна насока. Но, можам да му порачам на господинот Ахмети се додека постои последниот Македонец во оваа држава и граѓани коишто ја сакаат во целост државата без разлика на својата етничка, верска или било која друга припадност Македонија ќе постои како што постоела отсекогаш – рече Димитриевски.
ВО ЖИВО Обраќање на премиерот Мицкоски 