ДУИ ИМАШЕ 5 МИНИСТРИ И НУЛА ВОЛЈА Албанскиот јазик остана надвор од правосудниот испит, вели ВРЕДИ
ВРЕДИ ја обвини опозициската ДУИ дека и покрај тоа што низ годините имала 5 министри за правда, албанскиот јазик не бил вклучен во правосудниот испит. Од партијата тврдат дека постоела можност за промена, но недостигала политичка волја.
ДУИ имаше пет министри за правда во последните години, но го остави албанскиот јазик надвор од правосудниот испит, обвинува ВРЕДИ реагирајќи на опозициската ДУИ.
„Со години, Министерството за правда се менуваше од едно албанско име во друго, но ништо не се промени. Блерим Беџети, Аднан Јашари, Валдет Џафери, Билен Салиу и Кренар Љога, од кои последниот заврши во скутот на Али Ахмети. Пет министри. Пет мандати. Пет можности да се исправи неправда. И сепак, студентите Албанци останаа без можност да полагаат правосуден испит на албански јазик“, се наведува во соопштението од ВРЕДИ.
ВРЕДИ тврди дека документот потпишан од Талат Џафери ја запечатува вистината за исклучувањето на албанскиот јазик од правосудниот испит.
„Уште полошо, овој закон беше донесен со бадентер, односно со гласовите на пратениците Албанци од тоа време.
Сето ова ја разоткрива ДУИ и нејзината измама до срж. Јавно се преправаат дека се патриоти, во институциите гласаа и потпишуваа против Албанците.
Ова е вистината што ги гори. Не им недостигаа позиции. Не им недостигаа гласови. Не им недостигаше време. Само им недостигаше волја. Бидејќи за ДУИ, Албанецот беше вреден само кога носеше гласови и кога служеше за полнење на џебовите на неговата кликаш“.