ДУИ ГИ ИЗНЕВЕРИ АЛБАНЦИТЕ, СИ СОБРА МИЛИОНИ ЕВРА ЗА ВРХУШКАТА Вреди ја повикува ДУИ да каже каде се парите
Гласачите дадоа дадоа јасна порака дека не сакаат повторно да гледаат и слушаат луѓе кои докажаа дека ги интересира само нивното богатење и добро е што ДУИ конечно прифати дека е опозиција, порачаа денеска од Вреди.
ДУИ е политичка партија која ги изневери и ги заборави Албанците, а се грижеше единствено за богатството на неколку луѓе од врвот на партијата, обвини Вреди денеска на прес-конференција.
Од владејачката коалиција ја прашаа опозициската ДУИ дали е подготвена да се соочи со одговорноста за тоа што работеше единствено за личен интерес на поединци од својот врв и конечно да објасни пред јавноста за десетиците афери и скандали во годините додека беше на власт.
„Каде завршија 14 милиони евра отпишани долгови спрема фирми снабдувачи со електрична енергија, чии сопственици беа деца и роднини на луѓе од врвот на ДУИ и СДСМ? Каде завршија скоро 400.000 евра доделени незаконски како спонзорства на разни фитнес-студија и спортски клубови од страна на МЕПСО, без никакви критериуми и транспарантност? Каде завршија парите од доделените десетици и десетици концесии за фотоволтаични и хидроцентрали доделени на деца и роднини на истите функционери од претходната власт?
Каде завршија парите од криминалните набавки за мазут во четири очи за потребите на ТЕЦ Неготино, спроведени со сомнителни фирми во минатото? Дали ДУИ ќе им објасни на своите гласачи, но и на сите гласачи Албанци, каде завршија парите одземени од нашите луѓе во стотиците коцкарници кои ги отворија во нивните мандати? Дали ДУИ ќе каже за чиј интерес и сметка работеше фирмата Еуровиа која ги добиваше сите тендери во неколку министерства предводени од кадри на ДУИ?“, праша денеска Вреди.
Коалицијата ѝ порача на ДУИ да се посветит на расчистување на својот двор, затоа што „граѓаните бараат одговори за сите криминали кои се случија минатите години“.
– Гласачите дадоа јасна порака. Не сакаат повторно да гледаат и слушаат луѓе кои докажаа дека ги интересира само нивното богатење. Добро е што ДУИ конечно прифати дека е опозиција. Ние ќе направиме сè што е потребно, граѓаните да бидат задоволни и да знаат дека власта работи за нивниот интерес – порачаа од Вреди.