📷 ДУБАИ ЌЕ ГРАДИ УЛИЦА ОД ЗЛАТО Ќе биде главна атракција на новиот Златен кварт
Како дел од неодамна објавениот проект Дубаи Златен округ во областа Деира, планирана е изградба на првата улица во светот направена од вистинско злато.
Дубаи плани да изгради улица од злато која треба да стане централно обележје на новиот Златен кварт, дизајниран од „Итра Дубаи“ за привлекување нови туристи, купувачи и трговци со злато.
Како дел од неодамна објавениот проект Дубаи Златен округ во областа Деира, планирана е изградба на првата улица во светот направена од вистинско злато.
Колку злато ќе се користи за изградба засега останува тајна и сè уште не е познато како точно ќе изгледа.
И покрај ова, Златната улица треба дополнително да го зацврсти угледот на Дубаи како „град на златото“, кој го стекна благодарение на неговата неверојатна трансформација од мал пристанишен центар за трговија со бисери во еден од најголемите центри за трговија со злато во светот.
Улицата ќе се наоѓа во близина на Дубаи Златен пазар во Деира, некогаш сметан за еден од најголемите пазари за накит на мало и големо во светот, каде што стотици трговци нудат злато со исклучителен квалитет по конкурентни цени.
View this post on Instagram
Во округот е планирано уредување на повеќе од илјада деловни простории, во кои ќе се нуди сè – од злато и друг накит до козметика и парфеми. Меѓу етаблираните брендови, ќе бидат присутни производители на накит како што се Joyalukas, Jawhar Jewellery, Malabar Gold and Diamonds, Al Romaizana и Tanishk Jewellery.
Областа ќе вклучува шест хотели со вкупно илјада соби, што има за цел да ги задоволи потребите за сместување на меѓународните посетители и деловните партнери.