ДРАМАТИЧНО ПРЕДУПРЕДУВАЊЕ ОД ГЕРМАНИЈА Европа мора да се вооружи, имаме помалку од 10 години

Со оглед на тоа што САД како безбедносен сосјузни, го префрлија својот фокус на Индо-Пацификот, Европа мора брзо да обезбеди подобра одбрана бидејќи до крајот на деценијата може да се појават нови воени закани, рече германскиот министер за одбрана, Борис Писториус.

– Русија значително го зголеми производството на оружје со цел да ја нападне Украина и им се заканува на балтичките земји, Грузија и Молдавија – изјави Борис Писториус во интервју за Велт ам Зонтаг.

Во меѓувреме, САД најверојатно ќе го намалат својот воен ангажман во Европа бидејќи сè повеќе се свртуваат кон Индо-Пацификот.

– Ние Европејците треба да бидеме повеќе ангажирани за да обезбедиме безбедност на нашиот континент  – рече Писториус, истакнувајќи дека на регионот ќе му треба време да го зголеми сопственото производство на оружје.

– Имаме 5-8 години да фатиме чекор – во однос на вооружените сили, индустријата и општеството. На Европа и е јасно дека можеби ќе треба да ја надоместиме и американската помош за Украина доколку Вашингтон не успее да договори ново финансирање – предупреди германскиот министер за одбрана.

Според Писториус, изборот на новата полска влада која е попроевропска сега треба да му овозможи на Вајмарскиот триаголник Берлин-Париз-Варшава дополнително да ја развива воената соработка.

– Мораме да смислиме како најдобро да се позиционираме на источното крило врз основа на одбранбените планови на НАТО – рече тој, истакнувајќи дека сака да отпатува во Полска што е можно поскоро следната година.

Писториус рече дека засега нема предвидено дека германската армија ќе повтори мисии толку големи како оние извршени во Авганистан и Мали. Во Авганистан, германската армија ги водеше првите копнени битки од крајот на Втората светска војна.

-Но, малите мисии, особено во областа на воените совети или соработка и со земји кои не мора да ги споделуваат нашите вредности, ќе бидат важни. Алтернативата би била повеќе да немаме никакви контакти со овие земји и едноставно да им ги оставиме на Русите и Кинезите, а тоа би било многу опасно – истакнува германскиот министер за одбрана.