📽️ ДОЖДОТ ПОПЛАВИ УЛИЦИ, ВОДАТА НОСЕШЕ ЗЕМЈА И КАМЕЊА Силно невреме ја погоди Хрватска, Риека е целосно под вода

Силно невреме, проследено со обилни врнежи, го погоди градот Риека околу 13 часот, предизвикувајќи брзи и обемни поплави на повеќе локации. Според фотографии и снимки испратени од читатели, водата буквално течела по улиците, а поплавени се и неколку деловни простории.

ХРТ Радио Ријека јави дека улица Крешимирова е целосно под вода, а слична ситуација е и во населбата Замет. Поплавен е и еден автобус на градското транспортно претпријатие „Аутотрољ“.

Konačno riječka kiša! 😀 By Mauro pic.twitter.com/8EiBphr712

— IstraMet (@IstraMet) September 10, 2025

Раководителот на Хрватскиот хидрометеоролошки завод (DHMZ), Иван Гутлер, за телевизијата „N1“ изјави дека е на сила црвен метеоаларм за целото јадранско подрачје поради очекуваната количина врнежи.

– Можеме да очекуваме и над 100 литри дожд на квадратен метар во текот на денешниот ден. Вакви врнежи носат сериозен ризик од урбани поплави – рече Гутлер, додавајќи дека ситуацијата ќе се смирува како што невремето се движи од север кон југ.

Тој предупреди и на можни дополнителни екстремни појави.

– Не би нè изненадило ако на Јадранот се појават и пијавици, како и локализирани градови. Температурите се и понатаму надпросечни, што ја зголемува можноста за вакви појави – изјави Гутлер.

За утре се предвидува смирување на временските услови, со тоа што единствено подрачјето околу Дубровник останува под црвено предупредување. Граѓаните се повикуваат на претпазливост, а службите се во готовност за брзи интервенции.