ДОШОЛ ВО КАНЦЕЛАРИЈАТА НА ДЕКАНОТ, ОСТАВИЛ ПИСМО И СИ ЗАМИНАЛ Тетовската полиција трага по поранешен студент
Поранешен студент од Голема Речица дошол во канцеларијата на деканот на Факултетот за уметности, оставил писмо со заканувачка содржина упатена до професори и си заминал. Полицијата трага по него.
Поранешен студент оставил писмо со заканувачка содржина за професори во Факултетот за уметности при Тетовскиот универзитет, по што го напуштил факултетот.
Случајот бил пријавен вчера во СВР Тетово од деканот С.А. (55) и секретарот А.А. (33), кои информирале дека околу 11:40 часот во канцеларијата на деканот дошол поранешниот студент И.А. од тетовското село Голема Речица.
Можеби ќе ве интересира
Тој му оставил на деканот писмо со заканувачка содржина упатена до професори на факултетот, по што си заминал.
Од СВР Тетово информираат дека се преземаат мерки за пронаоѓање на поранешниот студент и за целосно расчистување на случајот.