ДОМИНИРААТ ОМИКРОН И СТЕЛТ Од 94 испитани примероци ниеден немал Делта

Од 94 позитивни примероци кои биле земени на анализа, во периодот од 28 февруари до 5 март, кај 54 примероци е детектирана БА.2 линијата на сојот Омикрон позната и како „стелт“. Кај 40 примероци е потврдено присуство на варијанатата БА.1 или сојот Омикрон. Заболени од т.н. Делта сој не се откриени.

Анализата на Институтот за Јавно здравје (ИЈЗ) за податоците од лабораториите и болниците покажува дека продолжува да паѓа бројката на новозаболени, починати и реинфицирани, а значително се намалува и трансмисијата на вирусот кај децата до деветгодишна возраст.

Минатата недела 372 лица се реинфицирале по втор или по трет пат со ковид -19 што е за 31 отсто помалку споредено со неделата претходно.

Во моментов хоспитализирани се 216 лица, од нив 150 се на кислородна поддршка а 8 на инвазивна/неинвазивна механичка вентилација.

Од почетокот на пандемијата во Македонија вкупно 10.858 лица биле реинфицирани, од кои 27 по втор пат.