Домаќинствата најмногу штеделе во јуни, но и подигнувале кредити

Според информациите кои ги објави Народна банка во јули, вкупните депозити се зголемија за 0,3%, на месечно ниво, што се должи на растот на депозитите на секторот „домаќинства“.

На годишна основа, вкупните депозити бележат пораст од 7,9%, под влијание на зголемувањето на депозитите кај двата сектора, со поголемо учество на депозитите на секторот „домаќинства“.

Во јули, кај вкупните кредити е забележан пораст од 0,7%, главно под влијание на зголеменото кредитирање на секторот „домаќинства“ (учество во промената од 97,3%). На годишно ниво, вкупните кредити се зголемени за 8,2%, во услови на раст на кредитите кај двата сектора, кој е поизразен кај секторот „домаќинства“.

Доколку се земе предвид ефектот од преносот на сомнителните и спорните побарувања од билансна во вонбилансна евиденција, согласно со регулаторните промени според одлуката на Народната банка, кај вкупните кредити во јули е забележан раст од 8,3%, на годишно ниво.