ДОМ ЗА СТАРИ ЛИЦА ВО КАВАДАРЦИ Јанчев вети и е-општина

Изградба на дом за стари лица, којшто ќе има за цел згрижување, сместување, нега и медицинска третман на згрижените лица од тиквешкиот регион, е само еден од 180-те проекти кој денеска ги најави актуелниот и кандидат за нов мандат во Кавадарци, Митко Јанчев од ВМРО-ДПМНЕ.

Тој рече дека изборната програма содржи над 180 проекти коишто се од огромно значење за сите кавадарчани.

– Обезбедување на помош и нега на стари лица, проект кој опфаќа помош и нега во нивните домови. Ќе се обезбеди помош во вршење на основни активности до 80 часа месечно.бУште еден проект кој би сакал да го најавам е проектот е-општина. Кој опфаќа комплетно онлајн креирање и плаќање на сите услуги кои ги нуди Општината. Односно барањата за јавно прометни површини, изводи од ДУП, елаборат за животна средина, барање за поставување на урбана опрема, барање за сечење и кастрење на дрва, комплетна евиденција, увид и онлајн наплата на решенијата за данок на имот и комунална такса – рече Јанчев.

Тој истакна дека сето тоа ќе биде од голема корист за кавадарчани и дека станува збор за суштински и изводливи проекти кои ќе ги остварат заедно со советничката листа предводена од доктор Стојанче Рамов.

– Да го задржиме континуитетот во општина Кавадарци. Да го сочуваме сето она што макотрпно го создадовме во изминативе четири години. Кавадарци на прво место, така и ќе остане. Кавадарци за сите. Број 7 за сите – рече Јанчев.