ДОГОВОРОТ ЕУ- МЕРКОСУР СТАВЕН ВО МИРУВАЊЕ Судот на правдата ќе го оценува неговиот текст
Европската унија и земјите од јужноамериканскиот трговски блок потпишаа во саботата во главниот град на Парагвај, Асунсион, историски договор за слободна трговија, кој опфаќа 700 милиони граѓани.
Европратениците го поддржаа предлогот Судот на правдата на ЕУ да даде мислење за тоа дали трговскиот договор на ЕУ со Меркосур е компатибилен со европските договори.
Tоа значи дека нема да има гласање за потврда на договорот во Европскиот парламент сè додека Судот на ЕУ не го даде своето мислење, а тоа може да потрае и до две години.
Европската унија и земјите од јужноамериканскиот трговски блок потпишаа во саботата во главниот град на Парагвај, Асунсион, историски договор за слободна трговија, кој опфаќа 700 милиони граѓани. Пред потпишувањето, земјите-членки на ЕУ го поддржаа договорот.
Франција, Полска, Австрија, Ирска и Унгарија гласаа против.
Комисијата истакнува дека договорот ќе отвори невиден пристап до пазарот на Меркосур за европските земјоделци. Се очекува договорот да го зголеми извозот на земјоделско-прехранбени производи од ЕУ во Меркосур до 50% со намалување на царините за клучните земјоделско-прехранбени производи од ЕУ, како што се виното, жестоките пијалaци, млечните производи и маслиновото масло, и со заштита на 344-те географски ознаки на ЕУ, традиционални прехранбени производи и пијалaци со висока вредност, од нелојална конкуренција и имитација.
Шефицата на европската дипломатија Каја Калас во Европскиот парламент го бранеше неодамна потпишаниот трговски договор со Меркосур, опишувајќи го како „геостратешка одлука“.
– Во моментот кога некои сојузници се откажуваат од Европа, Европа бара нови сојузници – рече Калас во зградата на Европскиот парламент во Стразбур, пред која се одржа голем протест на главно француски и други земјоделци од Европа против трговскиот договор со Меркосур.